الاتجاهات السياسية
نعرف ناس اسلاميين ويساريين وقوميين ونقابيين حد النخاع وعمرو لا يقدملك روحو انو يساري والا اسلامي والا قومي والا نقابي تقعد معاهم ويحلو الحديث معاهم تحطهم على الجرح يبرى تحسم معبين افكارهم منورة لا يتهز ولا يتنفض ولا تخرج كشاكيشو ونعرف ناس اخرين اسلاميين اكثر من البنّا ويساريين اكثر من ماركس وقوميين اكثر من سيف الدولة ونقابيين اكثر من عاشور وعمرهم لا قروا كتاب ولا انخرطوا في حزب ولا حضروا ندوة ولا نشطوا في جمعية ولادخلوا دار الاتحاد ويقدملك روحو على انو يحمل فكر ومشروع ومن راسو حدّت تلقاه يدخلك شعبان في قعبان ويجبد منّا ويحط غادي ويغلثلك كلامو بمصطلحات تحسّها عناوين كتب من سيسيولوجيا للانتروبولوجيا الراديكالية الراسمالية الشيوعية الامبريالية البلوريتاريا الليبيرالية لعلم فرويد الدارويني كلمات يلصقهم في بعضهم باش يحسسك انو مثقف ومناضل لايشق له غبار
